கேரளா – ஐஷர் பஸ்

சமீபத்தில் சில நாட்களா கேரளாவில் சுற்றுப்பயணம்

திருவனந்தபுரத்தில் இருந்தப்ப கேரள அரசு போக்குவரத்து கழகத்தில் உயர் அதிகாரியாக இருக்கும் ஒரு நண்பர், “வாங்களேன், பாப்பனம்கோட்டில் இருக்கும் எங்க பாடி பீல்டிங் யூனிட்டை பார்த்துட்டு வரலாம்”னு கூப்பிட்டாரு. இதை எல்லாம் மிஸ் பண்ண முடியுமா என்ன?

கேரள அரசு போக்குவரத்து கழகத்துக்கு அஞ்சு எடங்கள்ல பாடி பீல்டிங் யூனிட் இருக்கு. பாப்பணம்கோடு (திருவனந்தபுரம்), மாவேலிக்கரை, ஆலுவா, கோழிக்கோடு, எடப்பல். இதில் பாப்பனம்கோடு யூனிட் தான் சென்டிரல் வர்க்ஷாப். பெரிய யூனிட்.

வழக்கமான பஸ் பாடி பீல்டிங் யூனிட் மாதிரி குப்பையா இல்லாம செம நீட்டா புரபஷணலா மெயிண்டேயின் பண்ணிட்டு இருக்காங்க. ஒரு பக்கா எம்.என்.சி கம்பெனிக்குள்ள நுழைஞ்ச மாதிரி ஒரு ஃபீல். ஏன்னே தெரியாம கன்றாவியா இருக்கும் நம்ம குரோம்பேட்டை எம்.டி.சி யூனிட், ஓரிக்கை எம்ஜிஆர் போக்குவரத்து கழக யூனிட் எல்லாம் ஞாபகத்துக்கு வந்துச்சு. பொள்ளாச்சி சேரன் யூனிட்டும், நாகர்கோவில் திருவள்ளுவர் யூனிட்டும் நல்லா இருக்கும். சரி நாம விஷயத்துக்கு வருவோம்.

KSRTC யின் ஐஷர் பஸ் (ஃபைல் ஃபோட்டோ)

பொதுவா அசோக் லேலண்ட் மற்றும் டாட்டா பஸ்களை தான் கேரள போக்குவரத்து கழகம் உபயோகிக்குது. ஆனா சமீப காலமா ஒரு புது வரவு, ஐஷர் பஸ்கள். இது ஒரு ஆச்சர்யம் எனக்கு. ஏற்கனவே நம்ம பல்லவன் போக்குவரத்து கழகத்துல ஃபோர்டு பஸ்கள் இயங்கிட்டு இருந்தது. ஆனா ஐஷர் பஸ்கள் நான் எதிர்பார்க்கவே இல்லை. வண்டி பார்க்க நல்லா இருந்தது. பிக் அப், புள்ளிங், ரன்னிங், ஸ்பீடு, ஸ்மூத்நெஸ், கம்ஃபர்ட், என எல்லா வகையிலும் நல்ல பேரு எடுத்திருக்காம். ஒரு தடவை பயணிச்சு பார்க்கணும். ஆனா டிசைனும் லிவரியும் அதே ஸ்டாண்டார்டு ஸ்டைல் தான்.

ஐஷர் கேண்டர் LCV

லேலண்ட் டாட்டா தவிர சொகுசு பஸ் செக்மெண்ட்ல வோல்வோ, ஸ்கானியா. கொரோனா, மெர்சிடிஸ் பென்ஸ் எல்லாம் பஸ்களா உபயோகிச்சிட்டு இருக்காங்க. ஆனா சராசரி சாதாரண பேருந்துகள் என்றாலே லேலாண்டும் டாட்டாவும் மட்டும் தான்னு இருந்த நிலையை மாற்ற வந்திருக்கு ஐஷர். ஏற்கனவே ஐஷர் சரக்கு வாகனங்களை பல வருஷமா இந்தியாவில் உற்பத்தி செஞ்சிட்டு இருக்காங்க. கேண்டர் மாடல் LCV மிக பிரபலம். கேண்டர் வந்த காலத்தில் அதன் கூடவே வந்த DCM TOYOTA, SWARAJ MAZDA, ALLWYN NISSAN எல்லாத்தையும் ஓரங்கட்டி இன்னைவரைக்கும் மார்க்கெட்டில் சக்கை போடு போட்டுட்டிருக்கு கேண்டர். அதன் ஹெவி வெர்ஷனின் மற்றொரு அவதாரம் தான் இந்த பஸ். இது லேலண்டுக்கும் டாட்டாவுக்கும் சரியான போட்டியா இருக்கும். இது தவிர சென்னையில் ஓரகடத்தில் இருக்கும் டைய்ம்லர் ஹீரோ கம்பெனியும் பஸ்களை கொண்டுவர போறதா சொல்லிட்டு இருக்காங்க. ஏற்கனவே அவங்க “பாரத் பென்ஸ்” எனும் பெயரில் லாரிகளை உற்பத்தி செஞ்சிட்டு இருக்காங்க. அதன் பஸ் வடிவம் விரைவில் வருதாம். இதெல்லாம் நமக்கான நல்ல செய்திகள் தான். லேலண்டும் டாட்டாவும் தன்னை காலத்துக்கு தகுந்த மாதிரி மாத்திக்கலைன்னா கஷ்டம்தான்.

SETC தமிழக அரசின் அல்டிரா டீலக்ஸ் பஸ் 

திருவனந்தபுரத்திலிருந்து நம்ம SETC ல திரும்ப ஊருக்கு வந்துட்டிருக்கும்போது மத்த மாநில பஸ்களை நம்ம பஸ்களுடன் ஒப்பிட்டுட்டே வந்துச்சு மனசு.

பயணிகளுக்கு சொகுசும், பாதுகாப்பும், நேர மிச்சமும் தரணும்ங்கறது தான் நம்ம பக்கத்து மாநிலங்களான கர்நாடகா & கேரளா போக்குவரத்து கழகங்களின் நோக்கம். அதன் அடிப்படையில் நல்ல சொகுசு பஸ்களா அவங்க இயக்கிட்டு இருக்காங்க.

கேரள அரசு போக்குவரத்து கழகத்தின் வோல்வோ பஸ்கள் மிக அருமையானது. அதில் பயணிச்ச ஒவ்வொரு முறையும் பிரமிப்பு தான். வண்டியை மெயிண்டேயின் செய்திருக்கும் விதம், பயணிகளுடன் அவர்கள் பழகும் பாங்கு எல்லாம் சூப்பர்.

KSRTC கேரளாவின் வோல்வோ சொகுசு பஸ் 

நம்ம பக்கத்து மாநிலமான புதுச்சேரி அரசு போக்குவரத்து கழகம் கூட ஜஸ்ட் 160 கி.மீ இருக்கும் சென்னைக்கு அட்டகாசமான வோல்வோ பஸ்களை இயக்கிட்டு இருக்கு. அதுவும் சிறப்பான பஸ் தான்.

PRTC புதுவை அரசு வோல்வோ சொகுசு பஸ் 

கர்நாடகா அரசு பஸ்களை பத்தி சொல்லவே வேணாம். அவ்வளவு சொகுசு பேருந்துகள் அவை.

KSRTC கர்நாடகாவின் ஐராவத் கிளப் கிளாஸ் பஸ் 

KSRTC கர்நாடகாவின் ஐராவத் சுபீரியா டைப் பஸ் 

KSRTC கர்நாடகாவின் கோரொனா "அம்பாரி" பஸ் 

KSRTC கர்நாடகாவின் மெர்சிடிஸ் பென்ஸ் பஸ் 

இந்த அளவுக்கெல்லாம் பேராசை இல்லாங்காட்டியும் கூட ஓரளவுக்கு நல்ல அரசு பெருந்துகளை நம்ம தமிழக அரசும் இயக்கிருக்கலாம்னு தோணுச்சு. நாம கொடுத்து வெச்சது அம்புட்டுதேன்!